Қазіргі заман Қазақстанның әрбір азаматына, оның мекендеген өңіріне қарамастан мемлекеттік билік органдарының жұмысын айқын етіп көрсетуге мүмкіндік беретін ақпараттық технологиялардың қарқынды дамуымен ерекшеленеді.
Оңтүстік Қазақстан облысының ішкі саясат басқармасының сайтына кірушілер қоғамымыздың ішкі өмірінің көптеген мәселелерін қамтитын басқарма жұмысының бағыттары бойынша кеңінен ақпарат алу мүмкіншілігіне ие болады.
Басқарманың жұмысы мемлекеттік саясатты және мемлекеттік басқарудың ішкі саясат саласындағы қызметін жүзеге асыруға, ішкі саяси тұрақтылықты, этникааралық және конфессияаралық келісімді қамтамасыз етуге, мемлекеттік және қоғамдық институттар, жастар саясаты әріптестігін дамытуға, «Қазақстан-2030» Стратегиясын, Қазақстан Республикасы Президентінің Қазақстан халқына арнаған жыл сайынғы Жолдауын және өңіріміздегі өзге де мемлекеттік бағдарламаларды ақпараттық-насихаттық қамтамасыз етуді жүзеге асыруға бағытталған.
Мұнда әрқайсыңызды толғандырып жүрген сұрақтарға жауап алуға немесе басқарма жұмысы туралы білуге, қандайда бір мәселе бойынша өз ұсынысыңызды қосуға болады.
Басқарманың қазіргі уақытта жүргізіп отырған жұмысын таныстыруда біздің сайттың Сіздерге сенімді жол бастаушы болатынына сенімдіміз. Сұраныстарыңыз бен уақыт талабына сәйкес ұсыныстарыңыз бізге жұмыс жүргізу үшін үлкен көмек.

Біздің сайтқа қош келдіңіздер! Біз Сіздермен пікір алмасуға дайынбыз.

Құрметпен,

Оңтүстік Қазақстан облысы ішкі саясат басқармасының бастығы Жалмұрзаев Батырбек Қаратайұлы

ҚАЗАҚСТАН РЕСПУБЛИКАСЫНЫҢ МЕМЛЕКЕТТIК ТУЫ – Қазақстан Республикасының мемлекеттiк негiзгi рәмiздердiң бiрi. ҚР Президентiнiң “Қазақстан Республикасының Мемлекеттiк рәмiздерi туралы” конституц. заң күшi бар Жарлығымен (24.1.1996) белгiленген. Мемл. ту көгiлдiр түстi тiк бұрышты кездеме. Оның ортасында арайлы күн, күннiң астында қалықтаған қыран бейнеленген. Ағаш сабына бекiтiлген тұста — ұлттық оюлармен кестеленген тiк жолақ өрнектелген. Күн, арай, қыран және ою-өрнек — алтын түстi. Тудың енi ұзындығының жартысына тең. ҚР мемл. туының авторы — суретшi Шәкен Ниязбеков. Бiрыңғай көк-көгiлдiр түс төбедегi бұлтсыз ашық аспанның биiк күмбезiн елестетедi және Қазақстан халқының бiрлiк, ынтымақ жолына адалдығын аңғартады. Бұлтсыз көк аспан барлық халықтарда әрқашан да бейбiтшiлiктiң, тыныштық пен жақсылықтың нышаны болған. Геральдика (гербтану) тiлiнде — көк түс және оның түрлi реңкi адалдық, сенiмдiлiк, үмiт сияқты адамгершiлiк қасиеттерге сай келедi. Ежелгi түркi тiлiнде “көк” сөзi аспан деген ұғымды бiлдiредi. Көк түс түркi халықтары үшiн қасиеттi ұғым. Түркi және әлемнiң өзге де халықтарындағы көк түстiң мәдени-семиотик. тарихына сүйене отырып, мемл. тудағы көгiлдiр түс Қазақстан халқының жаңа мемлекеттiлiкке ұмтылған ниет-тiлегiнiң тазалығын, асқақтығын көрсетедi деп қорытуға болады. Нұрға малынған алтын күн тыныштық пен байлықты бейнелейдi. Күн — қозғалыс, даму, өсiп-өркендеудiң және өмiрдiң белгiсi. Күн — уақыт, замана бейнесi. Қанатын жайған қыран құс — бар нәрсенiң бастауындай, билiк, айбындылық бейнесi. Ұлан-байтақ кеңiстiкте қалықтаған қыран ҚР-ның еркiндiк сүйгiш асқақ рухын, қазақ халқының жан-дүниесiнiң кеңдiгiн паш етедi.

ҚАЗАҚСТАН РЕСПУБЛИКАСЫНЫҢ МЕМЛЕКЕТТIК ГЕРБI, елтаңба — Қазақстан Республикасының негiзгi мемлекеттiк рәмiздерiнiң бiрi. ҚР Президентiнiң “Қазақстан Республикасының Мемлекеттiк рәмiздерi туралы” конституц. заң күшi бар Жарлығымен (24.1.1996) белгiленген. Рәмiздiк тұрғыдан ҚР мемл. гербiнiң негiзi — шаңырақ. Ол — гербтiң жүрегi. Шаңырақ — мемлекеттiң түп-негiзi — отбасының бейнесi. Шаңырақ — Күн шеңберi. Айналған Күн шеңберiнiң қозғалыстағы суретi iспеттi, Шаңырақ — киiз үйдiң күмбезi көшпелi түркiлер үшiн үйдiң, ошақтың, отбасының бейнесi. Тұлпар — дала дүлдiлi, ер-азаматтың сәйгүлiгi, желдей ескен жүйрiк аты, жеңiске деген жасымас жiгердiң, қажымас қайраттың, мұқалмас қажырдың, тәуелсiздiкке, бостандыққа ұмтылған құлшыныстың бейнесi. Қанатты тұлпар — қазақ поэзиясындағы кең тараған бейне. Ол ұшқыр арманның, самғаған таңғажайып жасампаздық қиялдың, талмас талаптың, асыл мұраттың, жақсылыққа құштарлықтың кейпi. Қанатты тұлпар Уақыт пен Кеңiстiктi бiрiктiредi. Ол өлмес өмiрдiң бейнесi. Бiр шаңырақтың астында тату-тәттi өмiр сүретiн Қазақстан халқының өсiп-өркендеуiн, рухани байлығын, сан сырлы, алуан қырлы бет-бейнесiн паш етедi. Бес бұрышты жұлдыз гербтiң тәжi iспеттi. Әрбiр адамның жол нұсқайтын жарық жұлдызы бар. Қ. р. м. г-нiң авторлары — Ж.Мәлiбеков пен Ш.Уәлиханов.